छत्तीसगढ़ भाजपा मा मच गे खलबली

01. - आज 1 मई, मजदूर दिवस हे, अंतर्राष्ट्रीय श्रम दिवस हे । आज के दिन ला छत्तीसगढ़ के मुख्यमंत्री भूपेस बघेल हा छत्तीसगढ़िया रंग मा ढाले के काम ला करे हे। ए दिन ला छत्तीसगढ़ के मजदूर समुदाय के साथ उनमन के पसंदीदी अउ सुविधाजनक खाद्य बोरे बासी ला खा के बोरे बासी दिवस के रूप मा स्थापित करे गिस।

02 - छत्तीसगढ़ के राजनैतिक गलियारा मा आज के ब्रेकिंग न्यूज इही हे कि छत्तीसगढ़ चुनाव मा अब कुछेच महीना बांचे हावय ओखर से पहिली भारतीय जनता पार्टी ला काली एक बड़े झटला लागिस। ओखर पूर्व सांसद अउ आदिवासी नेता नंदकुमार साय हा बीजेपी के साथ ला छोड़ केे कांग्रेस मा सामिल हो गे ह। ए बात ला ले के का राजनैतिक घमासान मचे हावय आवव देखन ओखर बानगी।

03 - प्रदेष कांग्रस अध्यक्ष अउ आदिवासी नेता मोहन मरकाम हा भाजपा के नंदकुमार साय के इस्तीफा उपर बोलत हुए भाजपा ला अपन निसाना मा घलो लिन। आवव देखन आदिवासी नेता मोहन मरकाम हा काली एखर उपर का बोलिन।

04 - भाजपा शासन काल मा लागू आदिवासी मन के 32ः आरक्षण उपर कांग्रेसी मन के द्वारा लगाए गे रोक ला सुप्रीम कोर्ट हा हटा दे हे। एला नेता प्रतिपक्ष नारायण चंदेल हा भाजपा की वैचारिक जीत बतइन अउ कहिन कि अब मुख्यमंत्री ला भी ये समझ लेना चाही कि वो हा संविधान से ऊपर नहीं हे।

05 - आप पार्टी के अध्यक्ष कोमल हुपेंडी हा जल जंगल अउ जमीन ला ले के आज छत्तीसगढ़ के भूपेस सरकार उपर हमला बोलिन आवव सुनन वो का कहिन।

06 - काली 30 अप्रैल के साम राजधानी के वृंदावन सभागृह मा वक्ता मंच हा रायपुर अउ ओखर आस-पास के जिला मन मा कार्यरत वेब मीडिया से जुड़े 100 पत्रकार मन ला करिन सम्मानित, ।

07 - रायपुर म पुलिस के सिपाही अऊ जवान मन के संगे संग दिन रात ड्यूटी करईया अधिकारी मन बर स्वास्थ्य शिविर के आयोजन करे गिस।.