भूपेश बघेल अऊ रमन सिंह के खिबिड खाबड़
जइसे जइसे चुनई हर तिरियात जावत हे हमर नेता मन के मुहु ले किसिम किसिम के गोठ बात सुने बर मिले ला चालू होंगे हे, हमर परदेस के मुखिया भूपेश बघेल अउ जुन्ना मुखिया रमन सिंह के बिच में एक थान बिसय ला लेके खिबिड़ खाबड़ सुरु होंगे हे आवव सुनथन हमर ए ख़ास रिपोर्ट म की ये दुनो मुखिया मन काबर झगरत हे ।
Shivnandan Saroj
1 – केन्द्रीय रेल मंत्री अश्विनी वैष्णव ह आज रईपुर के रेल मंडल कार्यालय म वीडियो कांफ्रेंस के माध्यम ले बताइन कि ए बछर छत्तीसगढ़ ला 6008 करोड़ रुपया दे के प्रस्ताव है - ए बेरा म केन्द्रीय मंत्री ह यहू बताईन कि ए बछर के रेल बजट म यात्री मन ला कोन किसम के नवा सुविधा दे जाही
( इसे एंकर के साथ ही बाईट में सीधे ले सकते हैं)
2- जइसे जइसे चुनई हर तिरियात जावत हे हमर नेता मन के मुहु ले किसिम किसिम के गोठ बात सुने बर मिले ला चालू होंगे हे, हमर परदेस के मुखिया भूपेश बघेल अउ जुन्ना मुखिया रमन सिंह के बिच में एक थान बिसय ला लेके खिबिड़ खाबड़ सुरु होंगे हे आवव सुनथन हमर ए ख़ास रिपोर्ट म की ये दुनो मुखिया मन काबर झगरत हे ।
3 – अगर आप मन घलो चुंदी जगाय अउ हाँथ गोड़ पिराय के आयुर्वेदिक दवई खावत हो हव ता ये खबर ला आप मन ला जरूर देखना चाही---- खाद्य अउ औषधि विभाग हर रईपुर राजधानी संग तीर तखार के दवई दूकान म छापा मारिस जेमे आयुर्वेदिक के नाम में अंग्रेजी दवई के मिलावट करे गए रिहिसे
4- अब मोबाइल बरोबर बिजली के मीटर ला घलो रिचार्ज करे के नवा तकनीक लावत हे, बिजली विभाग ह प्रदेस के घरो - घर म स्मार्ट मीटर लगाए के तियारी करत हे- अधिकारी मन के कहना हे कि स्मार्ट मीटर लगे ले बिजली चोरी के घटना ला रोके म बहुत मदद मिलही
अउ
5- रईपुर के ख़मतराई इलाका म काली रात किन एक पेंट गोदाम म आगी लग गिस- ए घटना म एक झिन महिला मजदूर घायल हो गे हे, जेला अस्पताल म भरती कराये गे हे । भारी मसक्कत के बाद दमकल विभाग हा पाइस आग में काबू
6 . भूपेश कका अउ काकी के बिहाव के साल गिरह के दिन सरकार डाहर ले मिलिस नवा फॉर्चूनर कार । ए कार म जम्मो सुख सुविधा के संग सुरक्षा के करे गे हे इंतजाम आज पहिली दिन पूजा पस्ट करके लिस मजा।
7. धान खरीदी के नवा रिकॉर्ड तो बनायीस छत्तीसगढ़ सरकार हर फेर कुछ अधिकारी मन के गड़बड़ी के चलते महासमुंद जिला के भास्करपाली धान खरीदी केंद्र म धान के स्टॉक के कमी पाए गेहे । जांच तो चलत हे फेर कतेक दिन म एकर निराकरण हो पाहि ओहा देखे वाले बात हे।
