ए मजदूर ला तक़रीबन आठ घंटा बाद बाग़बाहरा म चावल के बोगी ले बाहिर निकाले गीस
मंदिर हसौद म आज बिहिनिया चावल ले जावत मालगाड़ी के बोगी म एक मजदूर फंस गे रिहिस- ए मजदूर ला करीबन आठ घंटा बाद बाग़ बाहरा म चावल के बोगी ले बाहिर निकाले जिस
Shivnandan Saroj
उतलंगहा न्यूज देखाया जम्मो संगवारी मन ला ये उतलंगहा के जय जोहार सबले पहिली जम्मो दरसक मन ला रंग बिरँगी होली तिहार के गाड़ा- गाड़ा बधाई देवतहान देखबो आज के जम्मो वो घटना दुर्घटाना ल जोन सरोकार करथे आप सब्बो ल
01.- एम्स रायपुर म केंद्रीय स्वास्थ्य राज्य मंत्री डॉ भारती प्रवीण पवार ह आज आखिल भारतीय चिकित्साकीय संस्थान के पहिली दीक्षांत समारोह म शामिल होइस समारोह म केंद्रीय मंत्री ह डाक्टरी के पढ़ाई म सफल होवैया छात्र मन ला स्वर्ण पदक देके सम्मानित करिन संग म जन औषधि केंद्र के उदघाटन करिन
02 – मुख्यमंत्री भूपेश बघेल अउ विधान सभा अध्यक्ष डॉक्टर चरण दास महंत आज विधान सभा परिसर म होली मिलन समारोह म शामिल होइन- एमा प्रदेश के कतकौन झन विधायक मन घलो मौजूद रिहिन
03- मंदिर हसौद म आज बिहिनिया चावल ले जावत मालगाड़ी के बोगी म एक मजदूर फंस गे रिहिस- ए मजदूर ला तक़रीबन आठ घंटा बाद बाग़बाहरा म चावल के बोगी ले बाहिर निकाले गीस
04 - प्रधान मंत्री आवास योजना मा दू तिहाई पइसा केंद्र सरकार देवत हे भाजपा के मिडिया महामंत्री विजय शर्मा के संग म मुख्यमंत्री डाहर ले प्रधान मंत्री आवास योजना बर व्यवस्था करे के बात ल गलत बताइन हे
05- बस्तर मा पाछू साढ़े छह सौ साल ले चलत होली के परंपरा अभी भी जारी हे- एमा बस्तर राज परिवार के जम्मो सदस्य मन शहर के लोगन मन संग मिल- जुल के होलिका दहन करथें अउ येखर दूसरैया दिन रंग गुलाल खेले जाथे
०6 - आज रायपुर म मुख्यमंत्री भूपेश बघेल ह प्रेसक्लब के होली मिलन कार्यक्रम म शामिल होइन संग म शहर भर के कई कई
व्यापारिक संगठन मन के होली मिलन होइस- एमा राजधानी के जम्मो व्यापारी संगठन के सदस्य मन रंग गुलाल खेलिन - अउ एक दूसर ला रिंग तिहार के बधाई दिन -
07-आंगनबाड़ी कार्यकर्ता मन अपन मानदेय बढाए बर मुख्यमंत्री भूपेश बघेल ला धन्यवाद दे हें। नवा बजट म मानदेय बढाए के घोषणा करे गे है।
08- रायपुर दक्षिण के विधायक बृजमोहन अग्रवाल ह प्रदेसवासी मन ला होली तिहार के बधाई दे है।
09- नेवनारा के चंण्डी आश्रम मा बसंती रंग महोत्सव अउ सम्मान समारोह के आयोजन करे गिस।
10 - रईपुर के गंज थाना इलाका म फर्जी कंपनी बनाके लाखो रूपया के ठगी करे के मामला म एक आरोपी ला गिरफ्तार करे गे हे- ए आरोपी ह क़िस्त म ख़रीदे गाड़ी ला गिरवी रखके सोलह लाख
रूपया उधारी ले रिहिस.
तो ए रिहिस परमुख शोर संदेशा ।
काली फेर नवा नवा संदेशा ले के मिलबो।,
तब तक ये उतलंगहा ल देवो बिदागरी ।
जय जोहार
