राज्यपाल विश्व भूषण हरिचंदन ह किहिन हे पुलिस के व्यवहार जनता के संगवारी जईसन होना चाही. राज्यपाल ह आज प्रदेश के पुलिस अधिकारी मन साग भेंट मुलाकात घलो करिन
राज्यपाल विश्व भूषण हरिचंदन ह किहिन हे पुलिस के व्यवहार जनता के संगवारी जईसन होना चाही. राज्यपाल ह आज प्रदेश के पुलिस अधिकारी मन साग भेंट मुलाकात घलो करिन
उतलंगहा न्यूज म आप जम्मो दर्शक मन ला जय जोहार -- अउ अब देखव आज के मुख्य समाचार
01.- राज्यपाल विश्व भूषण हरिचंदन ह किहिन हे पुलिस के व्यवहार जनता के संगवारी जईसन होना चाही. राज्यपाल ह आज प्रदेश के पुलिस अधिकारी मन साग भेंट मुलाकात घलो करिन
02 – राज्यपाल ह आज प्रदेस के सरकारी अउ निजी विश्वविद्यालय के कुलपति मन के बैठक लिन. ए बेर मा राज्यपाल ह किहिन कि संस्थान म पढईया मन के सुविधा म कोनो कमी नई होना चाही .
03- भाजपा ह प्रधान मंत्री आवास योजना बर मुख्यमंत्री डाहर ले सर्वेक्षण करे के आलोचना करे हे- भाजपा के प्रदेश महामंत्री विजय शर्मा ह किहिन कि कांग्रेस के मंत्री टी.एस. सिंहदेव के पास जउन सूची हवे, ओही ला ले ले लेना चाही -
04 - भाजपा दक्षिण विधानसभा के बूथ सशक्तिकरण के तहत आज कार्यशाला होइस- कार्यशाला के बाद पत्रकार मन ले गोठबात म सहर के विधायक बृजमोहन अग्रवाल ह किहिन कि कांग्रेस सरकार ह बेरोजगारी भत्ता के नाम लेके जवान मन संग अन्याय करत है।
05- बस्तर मा भाजपा के स्थानीय नेता मन के हत्या के मामला मा प्रदेश कांग्रेस के प्रवक्ता सुशील आनंद शुक्ला ह किहिन हे कि अइसन विषय मा राजनीती नई होना चाही. उहेँ केन्द्रीय मंत्री के बस्तर दौरा ला प्रवक्ता ह अपन सरकार के सलफता बताईन
06 - प्रदेस म शराब-बंदी के मुद्दा मा जनता संग धोखा करे के आरोप लगावत भाजपा के प्रदेस प्रवक्ता देव लाल ठाकुर ह किहिन हे लोहरा मा कांग्रेस नेता के जघा म शराब दूकान चलत हे.
07 - रईपुर के कृष्णा धाम म कर्मा माता मंदिर म काली ले 18 मार्च तक कर्मा जयंती उत्सव मनाये जाहि- ए बेरामा 101जोड़ा मन के सामूहिक बिहाव घलो रखे गे हे .
08- अवईया 12 मार्च के छत्तीसगढ़ कलार समाज के प्रदेस सम्मलेन रायपुर म होवैया हे – एमा प्रेस भर के कलार समाज के लोगन मन सकराने वाला हें
09 – बिलासपुर म होली के दिन नेताजी सुभाष चन्द्र बोस के मूर्ति अपमान करे के घटना सामने आये हे ए घटना के वीडियो देखे के बाद पुलिस हा करवाई शुरू कर दे हे
10- पुरानी बस्ती पुलिस ह आज एक आरोपी के तीर ले चाक़ू बर्मा करे हे- ए आरोपी के खिलाफ अवैध तरीका ले हथियार रखे के मामला म कार्रवाई करे जात हे
11 – बेमेतरा म दू पक्ष के बीच म मारपीट के घटना म एक युवक के मौत हो गिस- उहेँ एक झन दुसर लड़का घायल हो गिस.
12 - रायपुर के गुढ़ियारी इलाका म होली के दिन धार्मिक पोस्टर फाड़े के मामला ले तनाव हो गे रिहिस. पुलिस ह जम्मो आरोपी मन ला गिरफ्तार कर ले हे
अऊ
13- आज भरथरी गायिका सुरुज बाई खांडे के पुन्य तिथि हवय. ए बेरा मा पूरा प्रदेस मा उनखर सुरता करे जात हे.
तो ए रिहिस हमर आज के समाचार । काली फेर नवा समाचार के संग मिलबो।, तब तक बर मोला देवो अनुमति। जय जोहार