राईपुर म कांग्रेस के अधिवेशन के तियारी जोर सोर ले चलत हे
राईपुर म कांग्रेस के अधिवेशन के तियारी जोर सोर ले चलत हे- इ कार्यक्रम बर आज कांग्रेस भवन म संचालन समिति के बइठका होईस
Shivnandan Saroj
उतलंगहा न्यूज म आप जम्मो दर्शक मन ला जय जोहार
सबले पहिली आज के मुख्य समाचार
01.- राईपुर म कोदो कुटकी अऊ रागी यानी मिलेट के फायदा ल बताए बर दू दिन ले कार्यक्रम चलत हे - ए कार्यक्रम म मुख्य मंत्री ह किहिन कि अब स्कूल के मध्यान्ह भोजन म कोदो- कुटकी ल घलो परोसे जाही
02 राज्य के पुलिस ह भाजपा कार्यकर्त्ता मन के खिलाफ रिपोर्ट लिखे हे- ए मामला म प्रदेश भाजपा अध्यक्ष अरुण साव ह किहिन हे पुलिस के कार्रवाई के विरोध करे जाही
03 – राईपुर म कांग्रेस के अधिवेशन के तियारी जोर सोर ले चलत हे- इ कार्यक्रम बर आज कांग्रेस भवन म संचालन समिति के बइठका होईस
04- भाजपा विधायक बृजमोहन अग्रवाल ह राजिम म माघी पुन्नी मेला ला सफल बनाए बर भक्त मन ला धन्यवाद दे हैं- श्री अग्रवाल ह महाशिवरात्रि तिहार बर प्रदेश वासी मन के खुशहाली के कामना करिन
05 - राईपुर के गुढ़ियारी इलाका म आज पुलिस ह एक आरोपी लड़का ला गिरफ्तार करे हे,- ए आरोपी ह एक नाबालिग लड़की ऊपर हमला करके ओला घायल कर दे रिहिस .
06 . स्त्री विमर्श के बिसय ऊपर आज ले राईपुर म दू दिन के गोष्ठी शुरू होईस - इ कार्यक्रम म देश के अलग अलग राज्य ले महिला साहित्यकार मन भाग लेवत हैं
अऊ
07- राईपुर म आज राज्य स्तरीय तीरंदाजी प्रतियोगिता होईस - ए प्रतियोगिता म सबले बढ़िया खेल दिखाने वाला चार खिलाड़ी मन ला राष्टीय तीरंदाजी बर चुने जाही।
तो ए रिहिस हमर आज के बुलेटिन। काली फेर नवा समाचार के संग मिलबो।, तब तक बर मोला देवो अनुमति। जय जोहार
