नक्सली मन के विस्फोट म डीआरजी के दस जवान अऊ एक झन ड्रायवर होइन शहीद

1. सुरूआत करबो, अच्छा स्वास्थ्य के बात से, छत्तीसगढ़ योग आयोग के प्रयास हा जीवन मा योग के महत्ता ला समझाए बर कारगर साबित हेावत हे। काली रइपुर के सुभास स्टेडियम मा बिहिनिया 6 से 7 बजे तक सामूहिक योगाभ्यास के कार्यक्रम के आयोजन करे गे रहीस आवव देखन एक रिपोर्ट।

2. दंतेवाड़ा के अरनपुर इलाका म नक्सली मन के विस्फोट म डीआरजी के दस जवान अऊ एक झन ड्रायवर होइन शहीद-- केंद्रीय गृह मंत्री अमित शाह ह फोन करके मुख्यमन्त्री ले लीन घटना के जानकारी।

3. नेता प्रतिपक्ष नारायण चंदेल हा कहिन कि छत्तीसगढ़ केे सरकार ला नक्सलवाद के खिलाफ निर्णायक अउ ठोस लड़ाई लड़े के आवश्यकता हावय।

4. छत्तीसगढ़ के मुखिया हा अपन हर भेंट मुलाकात कार्यक्रम के तर्ज में इहों करिन सौगात अउ जनहितकारी घोषणा के बौछार। मुख्यमंत्री हा अन्य जनप्रतिनिधि मन के साथ मठपारा के श्री राजू नायक के घर स्वादिष्ट छत्तीसगढी भोजन के आनंद घलो लिन।

5. भारतीय जनता पार्टी के प्रदेश अध्यक्ष अरुण साव हा बस्तर नक्सली द्वारा किए गए ब्लास्ट मा 11 जवान मन के शहादत ला नमन करत हुए ए घटना उपर गहन दुरूख व्यक्त करिन।

6. अपन भेंट मुलाकात कार्यक्रम के दौरान ही भूपेस बघेल हा स्वामी आत्मानंद इग्लिस स्कूल के पढइया लइका मन से संवाद करे के आनंद घलो उठाइन।

7-आज अपन लोकप्रिय कार्यक्रम भेंट मुलाकात के दौरान मुख्यमंत्री भूपेस बघेल हा रइपुर के जैतु साव मठ अउ कई ऐतिहासिक स्थल मन के निरीक्षण ला करिन। श्री बघेल हा राजघानी के कटोरातालाब इलाका मा पूर्व विधायक स्वण् लक्ष्मण सतपथी के प्रेरक व्यक्तित्व ला ओखर प्रतिमा के अनावरण करके करिन चिरस्थायी। मुख्यमंत्री भूपेश बघेल हा पुरानी बस्ती मा हनुमान बावली के दर्शन घलो करिन।

8- चन्गोराभाटा म निजी जमीन ऊपर कब्जा के कोशिश म होइस विवाद।

9- भारतीय जनता पार्टी के प्रदेश प्रवक्ता हा आज एक प्रेस कांफ्रेस मा सरगुजा के बगीचा क्षेत्र मा गहिरा गुरू समाज मा होवइया पुलिस के बर्बरता के खिलाफ अपन अवाज बुलंद करिन। अउ काली सरगुजा संभाग बंद के ऐलान ला करिन।

1० -आम आदमी पार्टी हा छत्तीसगढ़ के चुनावी समर मा पूरा उत्साह से उतरे के योजना ला मूर्त रूप देवत हावय, काली आम आदमी पार्टी हा प्रेस कांफ्रेंस करके अपन पदाधिकारी मन के नाम के घोषणा ला करीन

11- आर्ट होंम संस्था अउ महिला एवं बाल चित्रकला प्रशिक्षण शिविर चलाए हावय 15 अप्रेल से 31 मई तक चलइया ए चित्रकला शिविर मा 3 साल से लेके कतकोन उमर तक के प्रशिक्षु मन हा लेवत हे प्रशिक्षण। देखन एक रिपोर्ट।