विधान सभा के बजट सत्र कालिले सुरु होवत हे – एखर बर नेता प्रतिपक्ष नारायण चंदेल ह किहिन हे कि विपक्ष डाहर ले जनता के मुद्दा ला लेके सरकार उपर पूरा दबाव बनाये जाही

उतलंगहा न्यूज म आप जम्मो दर्शक मन ला जय जोहार

सबले पहिली आज के मुख्य समाचार

01.-   विधान सभा के बजट सत्र कालिले सुरु होवत हे – एखर बर नेता प्रतिपक्ष नारायण चंदेल ह किहिन हे कि विपक्ष डाहर ले जनता के मुद्दा ला लेके सरकार उपर पूरा दबाव बनाये जाही      

02 –  कांग्रेस के राष्ट्रीय अधिवेसन म  सामाजिक न्याय के प्रस्ताव ऊपर नेता प्रतिपक्ष नारायण चंदेल ह किहिन हे कि आदिवासी मन के आरक्षण ला कम करे के बाद कांग्रेस ला सामाजिक न्याय के बातकरे के  कोनो अधिकार नई हे  

03- काली ले सुरु होवईया विधानसभा के बजट सत्र बर विधानसभा मा तियारी पूरा कर ले गे हे – विधान सभा अध्यक्ष डॉ चरण दास महंत ह आज बताइन कि 6 मार्च के बजट पेस होही  

 04  - आम आदमी पार्टी के कार्यकर्त्ता मन दिल्ली के उप-मुख्यमंत्री मनीष सिसोदिया के गिरफ़्तारी के विरोध मा भाजपा कार्यालय के सामने प्रदर्सन करिन- कार्यकर्ता मन मनीष सिसोदिया ला तुरते रिहा करे के मांग घलो करिन   

05-  प्रदेस केसहायक शिक्षक मन वेतन विसंगति के संग  दूसर मांग ला लेके आन्दोलन करत  हें – शिक्षक मन  के कहना हे कि  वादा करे के बाद भी ओमान के मांग उपर अभी तक कोनो फैसला नई करे गे हे       

06- उभयलिंगी समुदाय के कल्याण  बर काली रईपुर म राष्ट्रीय कार्यशाला के आयोजन करे गिस- एमा  देस के दूसर राज्य  के  उभय लिंगी सदस्य मन घलो भाग लिन  

 
07 –काली ले पूरा प्रदेस म दसवी अउ बारहवीं के परीक्षा सुरु होवत हे – एखर बर माध्यमिक शिक्षा मंडल डाहर ले जम्मो तियारी पूरा कर ले गे हे   

08- भीम आर्मी भारत एकता मिशन के अध्यक्ष विनय रतन सिंह ह मांग करे हें कि आदिवासी मन के आरक्षण मा कोनो कटौती नहीं होना चाही.  

अऊ

09  – परदेस के डी-एड अउ  बी-एड  प्रशिक्षित शिक्षक मन के रईपुर म आन्दोलन चलत हे- एमन के कहना हे कि कतकोन घांव भरोसा देवाय के बाद भी ओमान के मांग उपर कोनो कदम नई उठाये गे हे -  

तो ए रिहिस हमर आज के बुलेटिन । काली फेर नवा समाचार के संग मिलबो।, तब तक बर मोला देवो अनुमति। जय जोहार