मुख्यमंत्री भूपेश बघेल ह आज अपन मौजूदा कार्यकाल के पांचवां अऊ आखरी बजट पेस करिन

उतलंगहा न्यूज म आप जम्मो दर्शक मन ला जय जोहार

सबले पहिली आज के मुख्य समाचार

01.-   मुख्यमंत्री  भूपेश बघेल ह आज अपन मौजूदा कार्यकाल के पांचवां अऊ आखरी बजट पेस करिन- एमा बेरोजगार युवा मन ला भत्ता देके के संगे-संग कतकोन किसम के घोषणा करे गे हे    विधानसभा अध्यक्ष ले ए मामला म दोषी  मंत्री मन के खिअफ कार्रवाई करे के मान्ग्घलो करे हें      

02 –  भाजपा के नेता मन कांग्रेस सरकार के बजट ला कागजी घोषणा केहे हें- प्रदेश भाजपा अध्यक्ष अरुण साव अउ नेता प्रतिपक्ष  नारायण संचेल के संग विधायक बृजमोहन अग्रवाल अउ  रजेश मूणत ह ए बजट ला भरोसा तोड़ने वाला बजट बताईन हें.  

03- भाजपा नेता मन आज कांग्रेस सरकार के बजट उपर अपन निरासा जताइन हे- प्रेस वार्ता म नेता प्रतिपक्ष नारायण चंदेल ह किहिन कि ए बजट म राजधानी ए विकास बर कोनो घोषणा नई करे गे हे।

04- कांग्रेस सरकार के बजट ला भाजपा  ह झुनझुना बतावत है। एखरे सेती आज भाजपा कार्यालय म पदाधिकारी मन ए बजट के खिलाफ झुनझुना बजा के अपन विरोध  जताइन । 

 05  - मुख्यमंत्री भूपेश बघेल ह काली रईपुर म एम्स अस्पताल के सामने बने गहोई वैश्य समाज के नवा भवन के लोकार्पण करिन

06-  महासमुंद जिले के बसना मा पुईस ह होली तिहार बर सुरक्षा के तियारी पूरा कर ले हे -  काली सांति समिति के बईठक म पुलिस अधिकारी मन सामाजिक संगठन के मुखिया मन ले होली मा भाई-चारा राखे बर संह्योग के अपील करिन  

07- रईपुर के सामाजिक संस्था ह आज अइसन मनखे मन बर होली के आयोजन करिस, जेमन के आंखी ने नई दिखय- ए होली मा आंखी नई दिखईया मनखे मन घलो पूरा जोस के संग तिहार ला मनाईन.  

 अऊ

08 –   रईपुर म आज नवा अउ पढईया डॉक्टर मन के सम्मेलन होईस – एमा संविदा डॉक्टर मन  ला नियमित करे के संगे संग  पढ़ाई बर छुट्टी देके मांग घलो करिन.  

तो ए रिहिस हमर आज के बुलेटिन । काली फेर नवा समाचार के संग मिलबो।, तब तक बर मोला देवो अनुमति। जय जोहार