मुख्यमंत्री भूपेश बघेल हा अक्ति तिहार अउ माटी पूजन दिवस कार्यक्रम मा सामिल होइन

1. इंदिरा गांधी कृषि विश्वविद्यालय रायपुर के सभागार पहुँच के मुख्यमंत्री भूपेश  बघेल हा अक्ति तिहार अउ माटी पूजन दिवस कार्यक्रम मा सामिल होइन। अउ आज के दिन के महत्ता के विसय मा विस्तार से बातचीत करिन। 
2. इबादत का महीना रमजान के आज समापन होइस मीठी ईद से अउ छत्तीसगढ़ मा एला पूरा हर्सोल्लास से मनाए गिस, आज पूरा राज्य के वातावरण उत्सव से भरपूर रहीस। 
3. विधायक विकास उपाध्याय हा  भगवान श्री विष्णु जी के छठवां अवतार परशुराम जन्मोत्सव के शुभ अवसर मां प्रदेशवासी मन ला दिन सुभकाना। 
4. दक्षिण रायपुर के विधायक बृजमोहन अग्रवाल हा आज जम्मों छत्तीसगढ़ वासी मन ला अक्षय  तृतीया अउ परसुराम जयंती के बधाई दिन। 
5. छत्तीसगढ़ प्रदेश भाजपा के सरगुजा संभाग प्रभारी संजय श्रीवास्तव हा आज छत्तीसगढ़ के भूपेष सरकार के उपर कटाक्ष करत हुए कहिन कि ए सरकार के आए से साल दर साल अपराध के संख्या मा बढ़ोतरी होवत हे। बढ़त हुए अपराध हा ए सरकार के 5 साल के उपलब्धि हावय। 
6. बेमेतरा के बिरनपुर मामले मा मृतक भुनेश्वर के पिताजी हा स्पष्ट आरोप लगावत हे जेन हत्यारा हे वो हा खुल्ला धुमत हावय अउ प्रदेस के पुलिस हा मामला ला दूसर रंग दे के कोसिस करत हावय। 
7. छतीसगढ़ अनियमित कर्मचारी मोर्चा प्रदेश मा कार्यरत अनियमित कर्मचारी मन हा आज मुख्यमंत्री ला धरना देके अनुरोध पत्र  सौपिन। 
8. नगर पंचायत प्रतापपुर मुक्तिधाम मा नदी सूखा गे अउ उहां के मुक्तिधाम मा अंन्तिम क्रिया मा अवइया मन के नहाए बर नगर पंचायत हा फुहारा के व्यवस्था ला करे हावय जल संकट कइसे गहरावत हे ये चिंता के विसय हावय 
9. दक्षिण पूर्व मध्य रेलवे के रायपुर रेल मण्डल के ए.केबिन और डी.केबिन के बीच रोड अंडर ब्रिज के काम होए के सेती कई गाड़ी मन के परिचालन प्रभावित होवत हे।  
10. थाना पण्डरी क्षेत्रं के अंतर्गत मोवा स्थित तालाब के पास प्रतिबंधित सिरप के साथ दू आरोपी मन ला रंगे हाथ पकड़ लिए गिस। 
11. टिकरापारा थाना  क्षेत्रा के अंतर्गत रावतपुरा कॉलोनी फेस 01 स्थित एक मकान के सामने मोबाईल फोन से ऑनलाईन सट्टा संचालित करत हुए गिरफ्तार होइन।