कांग्रेस के पूर्व अध्यक्ष सोनिया गांधी अउ राहुल गाँधी छत्तीसगढ़ पहुचीन
कांग्रेस के राष्ट्रीय अधिवेसन आज ले रईपुर म शुरू हो गए हे - एमा शामिल ह होए बर आज कांग्रेस के पूर्व अध्यक्ष सोनिया गांधी अउ राहुल गाँधी के इहाँ पहुंचे म उनखर स्वागत करे गिस ।
Shivnandan Saroj
उतलंगहा न्यूज म आप जम्मो दर्शक मन ला जय जोहार
सबले पहिली आज के मुख्य समाचार
01.- कांग्रेस के राष्ट्रीय अधिवेसन आज ले रईपुर म शुरू हो गए हे - एमा शामिल ह होए बर आज कांग्रेस के पूर्व अध्यक्ष सोनिया गांधी अउ राहुल गाँधी के इहाँ पहुंचे म उनखर स्वागत करे गिस ।
02 – कांग्रेस के अधिवेसन के जवाब म भाजपा ह घलो आरंग म आवासहीन अधिवेसन करत हे - एमा प्रदेश भाजपा के जम्मो बड़े नेता मन भाग लेवत हें ।
03 – भाजपा के प्रदेश प्रवक्ता देवलाल ठाकुर ह कांग्रेस के अधिवेसन ला सिर्फ उनखर पार्टी के कार्यक्रम बताए हें - उंखर कहना हे कि ए अधिवेसन ले प्रदेस के जनता ला कोनो फायदा नहीं मिलना हे ।
04 – भाटापारा के तीर म आज बिहिनिया होये सड़क दुर्घटना म 11 झन के मउत हो गिस - उहें दस झन घायल हो गे हे, जेमन ला जिला अस्पताल मा भर्ती कराये गे हे ।
05- नेता प्रतिपक्ष नारायण चंदेल ह भाटापारा के दुर्घटना मं जान गंवाने वाला 11 झन के परिवार ला राज्य सरकार ले मुआवजा देके मांग करे हे ।
अऊ
06 - मुख्य मंत्री भूपेश बघेल ह काली संगीत नाटक अकादमी पुरस्कार पाए के सेती पंडवानी गायिका तीजन बाई अउ लोक गायिका ममता चंद्राकर ला बधाई दे हंवय ।
