नक्सली घटना से आक्रोसीत मन ह जयस्तंभ चौक करीन विरोध प्रदर्शन

1 काली दंतेवाड़ा के अरनपुर के नक्सली हमला जइसन करिया घटना हा जम्मों देस वासी मन के मन ला खराब करे के काम ला करिस हे। हमर राज्य के मुखिया भूपेस बघेल हा घलो आजी ओ क्षेत्र के दौरा मा निकले हावय, नक्सली मन के खिलाफ बहुत जल्दी कोनो कठोर कदम उठाए जाही तइसन लगत हे।

2 बस्तर अंचल मा होवइया दर्दनाक नक्सली घटना उपर छत्तीसगढ़ के राज्यपाल महोदय हा सन्देश जारी करिन।

3 दंतेवाड़ा अरहन पुर नक्सली घटना से आक्रोसीत जगदलपुर के शहरी मन हा उहां के जयस्तंभ चौक करीन विरोध प्रदर्शन |

4 दंतेवाड़ा के नक्सली घटना उपर पूर्व मुख्यमंत्री डॉ. रमन सिंह हा मुख्यमंत्री के बयान ला राजनीतिक बतावत हुए कहिन |

5 छत्तीसगढ़ कांग्रेस कमेटी के अध्यक्ष श्री मोहन मरकाम हा आज जाँजगीर.चाँपा ज़िले मा उहां उपस्थित कांग्रेस जन से 2023 के विधानसभा चुनाव के विसय मा चर्चा करिन।

6 काली रायपुर दक्षिण विधानसभा मा मुख्यमंत्री भेंट मुलाकात कार्यक्रम में नेता प्रतिपक्ष मन भी सहर विकास के बात ला रखिन, फेर ओमन के आरोप हावय कि मुख्यमंत्री हा ओमन ला बहुत मुष्किल से मौका देइस ।

7 शासकीय आयुर्वेदिक महाविद्यालय रायपुर के कौमार भृत्य बाल रोग विभाग मा सून्य से 16 साल के लइका मन ला हर महिना पुष्य नक्षत्र तिथि मा सून्य स्वर्ण प्रासन पिलाए जावत हे।

8 देवेन्द्र नगर के श्री मती लवली निराला हा सी.ए.एफ. आरक्षक अजय साहू नारायणपुर उपर लगाईस कुकृत्य के गंभीर आरोप अउ अपन बर करत हे न्याय के गुहार |

9 रायपुर के डोलसी दरयानी ला मिले हे जूनियर मिस इंडिया के खिताब डॉल्सी दरयानी के चयन 10 से 12 वर्ष वाले ग्रुप मा होए रहिस हे ।

10 कोण्डागांव मा विधायक मरकाम प्रोजेक्ट स्टेडियम निर्माण काम ला लेके तिरुपति कंस्ट्रक्शन रायपुर हा करत हे झोल झाल,18 माह में बनने वाला स्टेडियम 4 वर्ष बाद भी अधूरा आवव देखन ये रिपोर्ट |