मोदी सरकार के 9 साल पूरा होए ले प्रदेस भाजपा म खुसी अउ जिला चुनाव अधिकारी मन के होइस कार्यशाला-
मोदी सरकार के 9 साल पूरा होए ले प्रदेस भाजपा म खुसी अउ जिला चुनाव अधिकारी मन के होइस कार्यशाला-
Shivnandan Saroj
1- नीति आयोग के बैठक म शामिल होए के बाद राईपुर लहुटिन मुख्यमंत्री- केंद्र ले सीमा शुल्क अउ आबकारी म राज्य के हिस्सा जल्दी दे के करिन मांग
2- भाजपा के प्रदेश प्रभारी ओम माथुर ह सुकमा म लिन पार्टी के बैठक। केंद्र सरकार डाहर ले करे गे विकास ला भाजपा बनाही अपन मुद्दा ।
3- मुख्यमंत्री ह भेंट मुलाकात म जेमन के घर खाना खाएं रिहिन ओमन ला अपन निवास म नेवता दिन- ओमन संग चर्चा घलो करिन।
4- केंद्र म मोदी सरकार के 9 साल पूरा होए के सेती प्रदेश भाजपा ह 30 मई से राज्य भर म चलाही 11 कार्यक्रम।
5- आप पार्टी के पदाधिकारी मन काली लिहीं शपथ- जम्मो जिला इकाई ल चुनाव बर दे जाही जिम्मेदारी।
6- ओपी चौधरी ह कांग्रेस सरकार ऊपर लगाईन आरोप- किहिंन कि केंद्र सरकार ले मिले पइसा म होवत हे भ्रष्टाचार।
7--राईपुर म जिला चुनाव अधिकारी मन बर होइस कार्यशाला-अवइया चुनाव के तियारी के सेती दे गिस जानकारी
8- बिलासपुर म चोरी के मामला म 7 आरोपी गिरफ्तार- करीबन पचपन लाख रुपया के सामान जब्त करे गिस।
9- कोरबा म सरकारी जमीन म कब्जा के अवैध कारोबार- दलाल मन कीमती जमीन ल फर्जी तरीका ले बेचे के करत हें कोशिश।
10-बिलासपुर म सर्व आदिवासी समाज डाहर ले कलेक्टर ल दे गिस ज्ञापन- आरक्षण अउ रोजगार के मुद्दा म तत्काल कार्यवाही करें के मांग करिन।
11- दुरुग म सर्व हिन्दू समाज ह पीड़ित महिला ल न्याय देवाय के कलेक्टर ले करिस मांग।
12 - नौतपा म मौसम बदले ले गर्मी ले मिलिस राहत- सरगुजा बस्तर जिला म अंधड़ चले के चेतावनी।
