छत्तीसगढ़ म पहली घांव छत्तीसगढ़ी प्राचीन गहना धरोहर दिवस मनाए गिस
छत्तीसगढ़ म पहली घांव छत्तीसगढ़ी प्राचीन गहना धरोहर दिवस मनाए गिस- 15 फरवरी ला गहना धरोहर दिवस घोसित करे के मांग घलो करे गे है।
Shivnandan Saroj
उतलंगहा न्यूज म आप जम्मो दर्शक मन ला जय जोहार
सबले पहिली आज के मुख्य समाचार
01.- कांग्रेस के राष्ट्रीय महा अधिवेशन के तियारी ल देखे बार आज पार्टी के कोषाध्यक्ष पवन बंसल औउ महा सचिव तारिक अनवर ह रईपुर आए हंवय - इ दुनो पदाधिकारी मन मुख्य मंत्री भूपेश बघेल के संग आयोजन के स्थान के दौरा करिन अउ कार्यक्रम के तियारी के व्यवस्था के जानकारी लिन
02- विधान सभा अध्यक्ष डॉ चरण दास महंत औउ राजिम के विधायक अमितेश शुक्ल हा काली राजिम म माघी पुन्नी मेला म पहुंचिन अऊ लोगन मन ले भेंट मुलाकात करिन - ए बेरा मा दुनों नेता मन राजीव लोचन मंदिर म पूजा अर्चना करे के संगे संग कुलेश्वर महादेव के दर्शन घलो करिन
03 . छत्तीसगढ़ पुलिस ह राजधानी के एक कालोनी म चिटफंड कंपनी बनाके करोडो रूपया के ठगी के मामला म मुख्य आरोपी धीरेन्द्र सिंह ला रायगढ़ म गिरफ्तार करे हवय- इ आरोपी ला आज पूछताछ करे बर रईपुर लाये गे हे.
04- रईपुर म लोगन मन के सिकायत के तुरते समाधान करे बर अवईया महीना म सिविर लगाये जाही - रईपुर के कलेक्टर डॉ सर्वेश्वर भूरे ह अपन बईठका म अधकारी मन ला ए सिविर के तियारी करे के निर्देस दे हंवय.
05 - छत्तीसगढ़ी कर्मचारी महासंघ के सदस्य मन आज अपन 24 सूत्री मांग ल लेके घरना प्रदर्शन करिन-
अऊ
06 . छत्तीसगढ़ म पहली घांव छत्तीसगढ़ी प्राचीन गहना धरोहर दिवस मनाए गिस- 15 फरवरी ला गहना धरोहर दिवस घोसित करे के मांग घलो करे गे है।
