छत्तीसगढ़ के नवा राज्यपाल विश्वभूषण हरिचन्दन ला आज राजभवन मा शपथ देवाय गिस
छत्तीसगढ़ के नवा राज्यपाल विश्वभूषण हरिचन्दन ला आज राजभवन मा शपथ देवाय गिस - कार्यक्रम म मुख्यमंत्री भुपेश बघेल अउ राज्य सरकार के मंत्री मन घलो मौजूद रिहिन
Shivnandan Saroj
उतलंगहा न्यूज म आप जम्मो दर्शक मन ला जय जोहार
सबले पहिली आज के मुख्य समाचार
01.- छत्तीसगढ़ के नवा राज्यपाल विश्वभूषण हरिचन्दन ला आज राजभवन मा शपथ देवाय गिस - कार्यक्रम म मुख्यमंत्री भुपेश बघेल अउ राज्य सरकार के मंत्री मन घलो मौजूद रिहिन ।
02 – छत्तीसगढ़ म कांग्रेस नेता मन के खिलाफ ईडी के छापा के खिलाफ मा बीजापुर के कांग्रेस विधायक संग अबड़ अकन कांग्रेसी कार्यकर्त्ता मन भाजपा आफिस के आघु म प्रदर्सन करिन
03 – महासमुंद पुलिस ह बसना इलाका मा छापा मार्के ढाई सौ लीटर अवैध शराब जब्त करे हे - पुलिस के कहना हे कि अवैध शराब के खिलाफ कार्रवाई पूरा जिला मा चलत हे
04 –ईडी के कार्रवाई ऊपर कांग्रेस के आरोप ला निराधार बताए हंवय भाजपा के वरिष्ठ सियान विधायक बृजमोहन अग्रवाल ह येती प्रदेश म कांग्रेस के अधिवेसन बर उनखर कहना हबे कि ये हा राज्य के मनखे बार नई । बल्कि सिर्फ पार्टी के कार्यक्रम हरे
05- कोउन्हो अगर अग्निवीर सैनिक बने के सपना संझौत होही त उखर मन बर अब 20 दिन बाचे हे। येती छत्तीसगढ़ म अग्निवीर सैनिक मन के भरती जोर सोर ले हे – एमा रईपुर के संगे संग दूसर जिला के युवा मन घलो सामिल होवत हें
अऊ
06 – कवर्धा पुलिस ह पिपरिया के एक गुरूजी ला पांचवीं पढ़इया लड़की मन संग अश्लील हरकत करे के आरोप मा गिरफ्तार करे हे- आरोपी ले पूछताछ करे जात हे
तो ए रिहिस हमर आज के बुलेटिन। काली फेर नवा समाचार के संग मिलबो।, तब तक बर मोला देवो अनुमति। जय जोहार
